冬天嚟到，春天仲會遠咩？

油價終於由7月18日嘅147美元回落，美國經濟三股頂頭風其中一股已減弱；至於信貸危機相信喺9月底前兩房問題應有定案；最後只餘下樓市呢股頂頭風。最終問題必須解決，作為投資者需要嘅係耐性。

例如1982年9月中國政府宣布，喺1997年7月收番香港主權、到1984年7月中英雙方簽訂聯合聲明，時間上總共二十三個月。

1997年7月亞洲金融風暴到1998年9月東南亞亦開始解決，需時十四個月。

2000年3月科網股泡沫爆破到2002年10月納指止跌回升，需時三十一個月。

去年11月開始嘅次按危機，最終必須解決。問題係要幾耐，同埋點樣收科。

冬天嚟到，春天仲會遠咩？

如大家已及時止蝕、冇溝落，唔係只着條泳褲過冬季，便可以耐心地等；可能係明年第一季，又可能再長一D，但春天一定會番嚟；反之，只有一條泳褲就凍死都未天光。


摘錄自26/08/08信報《投資者日記》